durmir no porto. os hoteis máis cool

Durmir nun cuarto de cine, nun antigo teatro ou nun palacio barroco deseñado por Nasoni. Na Baixa ou en Bombarda, desde 44€ o cuarto dobre con pequeno almoço ata pagar o que para nós pode ser practicamente o infinito.

Como dicía na introdución, nesta segunda entrada sobre onde durmir no Porto vou facer un percorrido polos doce últimos hoteis e similares que recomenda o blog O Porto Cool. Son os que o meu Blog de cabeceira no Porto chama hoteis de ‘charme’, todos eles con moito encanto, cada un co seu propio feitizo.

Gallery Hostel
Rua Miguel Bombarda 222
+351 224 964 313
Web
Cuarto para dúas persoas, 25€ persoa; para 6 persoas: 20€ persoa. En todo caso almorzo incluído.

 

En plena zona das artes (rúa Miguel Bombarda). Cuartos bautizados co nome de artistas portugueses (Souto de Moura, Almeida Garret). Os cuartos dobres dan ao xardín e contan con total equipamento.

Casa do Conto
Rua da Boavista 703
+351 961 878 744
Web
En setembro de 2011, cuarto dobre (pequeno almoço incluído) desde 95€.

 

Defínese baixo o modelo de ‘Arts&Residence’. Nunha casa do século XIX rehabilitada con moito criterio. Para amantes das artes que buscan máis que un simple lugar para durmir.

4 Rooms
Rúa Padre Luís Cabral 1015 (Foz)
+351 929 190 406
Web
Cuarto dobre con almorzo desde 110€

  

Best&Breakfast. Edificio restaurado por Souto Moura incluíndo mobles e obxectos del mesmo e de Eames, Siza, Starck, Gray… Coida os detalles ao mínimo. O pequeno almoço gourmet planificado polo veciño Pedro Lemos.

Magnólia Hostel
Avenida Rodrigues de Freitas 387 (Bonfim)
+351 222 014 150
Facebook
Cuarto dobre con pequeno almoço desde 44€

 

Hostel nunha casa rehabilitada preto do centro. Deseño xuvenil coidado. Ten cuartos dobres con todo o equipamento e tamén cuartos colectivos.

A Favorita
Rúa Miguel Bombarda 267
+351 916 148 253
Web
Prezo do cuarto dobre con almorzo desde 70€

 

Pequeno hotel de charme (7 cuartos) no barrio das galerías de arte. Nunha casa antiga rehabilitada e decorada entre o deseño moderno e o moble de época. Conta con restaurante e xardín.

Hotel Teatro  (4 estrelas)
Rua Sá da Bandeira 84 (Centro)
+351 220 409 620
Web
Prezo do cuarto dobre con almorzo incluído desde 200€

 

Hotel moderno e cosmopolita nun céntrico edificio de mediados do XIX, onde o vello Teatro Baquet. Primeiro ‘Design Hotel’ na cidade de Porto. Decoración preservando o ambiente do espectáculo e a escena –tons castaño e ouro– cun resultado ‘vintage cool’ de moito éxito en Porto. Restaurante e bar abertos ao púbico.

6Only Guest House
Rúa Duque de Loulé, 97 (Centro)
(351) 926 885 187
Web
Cuarto dobre con servizo completo e almorzo incluído, entre 65 e 80€

  

‘Casa de hóspedes’ con só 6 cuartos. En zona privilexiada do centro, edificio rehabilitado e decoración con deseño moi coidado, trato familiar, intimidade sen perder o seu carácter moderno e cosmopolita.

Pousada Palácio do Freixo
Estrada Nacional 108  (Campanha. No río, na saída para Gondomar)
(+351) 225 311 000
Web
Cuarto dobre con pequeno almoço a partir de 170€. Consultar ofertas.

  

O local das Pousadas de Portugal en Porto foi inaugurado en 2010. Pousada construída sobre o palacio barroco deseñado por Nassoni (S. XVIII). Decoración, confort, atención, luxo… todo exquisito, como corresponde ao modelo de ‘pousadas’.

Guest House Douro
Rúa Fonte Taurina, 99-101 (Ribeira)
+351 222 015 135
Web
Prezo cuarto dobre completo con pequeno almoço desde 130€

  

Guest House nunha vella casa ribeirinha declarada Monumento Nacional (casa onde naceu, viviu e traballou Gomes de Saa). Local requintado, acolledor, en situación magnífica para a visita diurna e a movida nocturna de Porto.

Hotel Infante de Sagres  (5 estrelas)
Praza Filipa de Lencastre, 62 (Centro-Aliados)
+351 223 398 500
Web
Prezo cuarto dobre con almorzo desde 130€

 

Para moitos o 5 estrelas por excelencia de Porto. En activo desde a década dos 50, vén de ser actualizado de xeito que mantén o seu carácter luxoso e requintado con toques de rabioso modernismo. Conta co restaurante Boca do Lobo, tutelado por Albano Lourenço, estrela Michelín no restaurante Arcadas (hotel Quinta das Lágrimas, Coimbra). Pertence á cadena Small Luxury Hotels of the World,

Rivoli Cinema Hostel
Rúa Dr. Magalhães Lemos, 83 (Centro, Aliados)
+351 220 174 634
Cuarto dobre a partir de 40€ con almorzo incluído. Cuartos para 4 persoas.

 

Hostel de baixo custo moderno e divertido. Cada cuarto está decorado con motivos dunha película. Entre os espazos comúns conta cunha cociña totalmente equipada para ser utilizada polos hóspedes.

Hotel Star inn  (3 estrelas)
Rua Senhora do Porto, 930 (Paranhos)
(No cruce da Circunvalación coa Vía Norte)
+351 228 347 000
Web
Cuarto dobre a partir de 50€. Ver ofertas e programas especiais.

  

Novo concepto de hotel de deseño low cost. Ofrece os servicios básicos que busca o viaxeiro, en cuartos de tamaño reducido e a prezos baixos, pero sen renunciar ao deseño, o confort e a tecnoloxía.

Os datos e fotos están sacados da web do propio hotel, nalgúns casos, ou no blog O Porto Cool. A orde que sigo é a de aparición no mencionado blog comezando polos máis recentes e incluíndo os doce últimos (O Star Inn, post de outubro de 2008). Se falamos do máis cool (aínda que haber, hainos) hai que poñer un límite.

algo máis que tapas

Con tal definición se promocionan e identifican as chicas de A Tapería-Tortillería.

Na rúa Platería de O Grove, rúa con importante proxección gastronómica (ver Misturas), atopamos esta tapería que propón un xeito diferente de tapear.
Non en van, A Tapería saltou aos círculos gastronómicos galegos cando Lorena Moldes alcanzou o segundo lugar na IX edición do Campeonato de Galicia de Cociñeiros, só superada por Marco Varela (ver Dona Branca, Pazo de Sober) que, á postre, acadaría un meritorio terceiro lugar no Campeonato Nacional.

Xa na decoración e acabado do local atopamos unha chispa de inspiración (sempre arredor da gastronomía) que se agradece e resulta suficiente para situalo por riba da media. As lámpadas de copas parecéronme espectaculares.

         

Unha lectura rápida da carta fálanos de oferta clásica dunha tapería galega actual: tortillas, saladas, revoltos, tostas, brochetas, calamares, polbo, mexillóns…
Logo, no repaso pormenorizado, chegan os matices e as sorpresas: Polvo prensado con pementos de Padrón, Tortilla de ortigas, Tosta de boquerón con manchego e piquillo, Revolto de mexillón con tomate, Brocheta de bacallau á ‘Tapería’…

E, por se o anterior fose insuficiente, sección de tapas baixas en calorías –Tortilla vexetal: cenoura, chícharos e xudías– e proposta de remate cunha delicada oferta de tapas doces –Panacota con salsa de froitas do bosque–.

    

Pedimos o Mosaico de Tostas.
Aplaudo a utilización deste termo e non outros ao uso, máis sobados, menos precisos e case que intraducibles (léase montadito).

    

Por orde de aparición, Tosta de Boqueróns manchego e piquillo, de Gambas con Ali-Oli, de Jabugo con tomate natural, de Centeo con Torta del Casar.
A orixinalidade das combinacións, xunto con produtos de primeira cualidade, dan como resultado bocados distintos, sen dúbida moi ricos.
De ter que pronunciarme fágoo por unhas gambas carnosas e saborosas sobre un ali-oli lixeiro e suave que complementa o sabor da gamba sen restarlle protagonismo.

    

Tarta da avoa; típica e tópica pero unha das máis ricas que temos probado.
Fresas marinadas con helado de vinagre. Malia as aparencias, sobremesa doce, moi lonxe da acidez que podería anunciar; o vinagre, sen asomar por ningures, está aí, na esencia do propio prato. Gustoume. Moito.
Bebimos unha copa dun Ribera-Crianza cada un. Pagamos 26€.

Magnífica alternativa para tapear en O Grove e para achegarnos desde todo o Salnés.
Orixinal, bo produto, elaboración esmerada, ambiente agradable.
De primeira impresión non semella barato (aínda que tampouco caro); logo, se valoramos o conxunto da oferta, consideramos que o prezo é equilibrado.
Dependendo do compango, as tortillas pequenas andan arredor dos 7 euros e as grandes polos 13. As tostas, 7€ de media as dúas unidades. As sobremesas a 3,80. As tapas son abondosas, un exemplo: as croquetas de marisco sobre patatillas, 6,75€.
Polas cada copa do Ribera cobran 1,90€.

A Tapería - Tortillería
Rúa Platería 7
36980  O Grove
Teléfono: 986 732 520
Web
E-Electrónico
GPS: 42º29’41.28”N  08º51’48.50”
Localización en Mapas de Google

durmir no porto

Aproveitando a proposta de coñecer os 6 santuários de bem comer nunha fin de semana, propóñome actualizar a miña información sobre onde durmir no Porto, base máis que apetecible para a nosa excursión gastronómica.

Porto é unha gran cidade, moi cosmopolita, con evidentes influencias británicas debidas á  histórica relación dos ingleses co viño do Porto.
A lista de nomes para definir locales onde pasar a noite é moi ampla en Portugal: hotel, pousada, albergaria, pensao, residencial, hospedaria, motel, estalagem…, e, por se non fose suficiente,  habemos de sumar as de novo cuño (‘hostel’), e as xa mencionadas de sangue inglés (‘guest house’ ou ‘bed&breakfast’).

Para dar forma a un comentario que intúo vai ser longo e denso e para facilitar a lectura (e non aburrir), vou dividilo en cinco entradas diferentes.

Unha, esta na que estamos, xa vedes de que vai: matizacións e aspectos comúns sobre o que serán as seguintes publicacións.

A segunda das entradas vou facela tomando como referencia a que xa sabedes é a miña páxina de cabeceira para todo o que se coce no Porto: O Porto Cool.
Trataríase, por darlle unha sona, dos Hoteis máis cool.

Cambiando totalmente de tercio, o seguinte comentario será para ‘Durmir no Porto a un prezo razoable’. Aquí destacarei algúns dos locais que nacen para dar acougo ao público xuvenil: os típicos albergues e os que se agrupan no novo cuño de ‘hosteis’: locais con filosofía mochileira pero sumamente coidados no ambiente, servizos, prezos… e sobre todo no deseño.
Todos eles baratos e cada vez máis unha opción válida para os que xa non somos ‘tan novos’.

Un modelo que está a se estender por Porto nos últimos meses é o dos ‘Apartamentos turísticos’. Trátase de casas antigas exquisitamente rehabilitadas, en zonas estratéxicas, co modelo do aluguer (por días) e dirixidas ao visitante de turismo ou de viaxe curta de negocios, que quere estar ‘como na casa’

E, xa por último, algúns locais, a maioría hoteis tradicionais, que non están nos grupos anteriores e poden pagar a pena. Son algúns dos que, fóra os contemplados nos grupos anteriores, podemos atopar en calquera das numerosas páxinas de reservas de hoteis que hai en Internet.

En todo caso é unha selección moi particular tomando como referencia a miña experiencia no Porto e os comentarios de numerosas e variadas webs. Obviamente non coñezo todos os mencionados (nin sequera a maioría); pero ben como aloxamento, para comer ou tomar unha cervexa, ou para unha simple visita de recoñecemento, falo con coñecemento de bastantes deles.
Os prezos, salvo que se indique o contrario, son os que aparecen na páxina correspondente (O Porto Cool, Booking, o propio hotel…) para un cuarto dobre sen pequeno almorzo.

cocido maragato. casa coscolo

Esta era a terceira ocasión que visitabamos Castrillo de los Polvazares.
Nas anteriores, polo si ou polo non, desistimos da idea de comer o cocido.
Hoxe planificamos toda a xornada para que nada se nos torza e así cumprir, por fin, coa obriga culinaria de comer un cocido maragato en Castrillo de los Polvazares.

              

Estamos a domingo, 24 de xullo, e Castrillo está ata a bandeira.
Moito turista pero tamén xentes de aquí, moitos deles chegados para celebrar o día de Santiago.

    

Non temos reserva e, visto o que hai polas rúas, o tempo bótase enriba.
Decidimos levar na cabeza algúns dos restaurantes recomendados polas guías (Cuca La Vaina, Juan Andrés, La Magdalena…) e entrar no primeiro que nos dea de comer. A busca remata no primeiro que atopamos: Restaurante Casa Coscolo, co compromiso de rematar antes das 3.30, hora para a que está reservada esta mesa.

Restaurante de casa rural co mesmo nome.
Decoración tradicional sen grandes alardes pero coidada e efectiva, en consonancia con todo Castrillo. Exposición de diplomas e méritos. Varios comedores.
Séntannos a carón dunha ventá, unha das mellores mesas do comedor á esquerda.

    

Carta rexional; pero, ata onde nos chegan os ollos e o olfacto, todos estamos aquí ao mesmo: ao cocido maragato. Oferta limitada de viños con preferencia para viños novos da zona, entendendo por zona ata o Bierzo. Pedimos o único que nos ofrecen en botella pequena, un Puerta Vieja crianza (Rioja).

O cocido, servido nesta mesma orde, ou sexa ‘ao revés’, consta de sete carnes, berza con garbanzos, e sopa. A base das carnes é o porco (lacón, morro, touciño, costela adubada, chourizo, pata), algo de tenreira e o bolo.

  

  

Por algún estraño motivo tráennos carnes, verdura e garbanzos xuntos (xuntos mais non revoltos). Mellor. Respectando os sabores queda máis cerca do noso
Coincidimos en que está fantástico. Cada un temos as nosas preferencias nas carnes e complementámonos á perfección.

A verdura e os garbanzos, de morte, coa grasiña e o sabor ben apegados. Polo meu avó, que era de Zamora, na miña casa botamos garbanzos ao cocido galego; nunca lles tiven demasiada afección, pero hoxe repito un par de veces.

 

Pois se o cocido está bo, espera pola sopa…
En efecto. Vese ben de onde procede a sopa. Vai directamente a vena, pero hoxe, co permiso do meu colesterol, tomo dous pratos (pratiños).

E, xa que estamos, a sobremesa será a que marca o protocolo: as inevitables natillas.
Con mantecada polo medio e canela por riba, dan comprida resposta á súa merecida sona. Resultan deliciosas.
Tomo un café de pota e pagamos 45 €.
Coincidimos en que o prezo está moi ben. Cada cocido, 16,50€; logo, queimando un pouco de graxas de paseo polo pobo descobrimos que, euro arriba, euro abaixo é prezo case oficial.
Comida moi completa, moi satisfactoria. Recomendable. Para volver.

Casa Coscolo
El Rincón 1
Castrillo de los Polvazares
24718 León
Teléfono: 987 691 984 /  619 280 540
E-Electrónico
Web
GPS: 42º27’53”N  06º07’40.45”W
Localización en Mapas de Google
Gourmetour: Si
Michelín: Si
Verema: 6,1