o miolo

en portugal sempre se come ben…

Os españois, os galegos en particular, podemos dividirnos en dous grandes grupos: aqueles que pase o que pase sempre van maldicir das súas experiencias culinarias en Portugal e os que, vaiamos a onde vaiamos, sempre ficaremos satisfeitos.

P10707322

Hai tempo, e nunha guía gastronómica de Portugal, lin algo así como que ‘a culinária faz parte da cultura popular’. E así debe ser, e aí pode estar o miolo da cuestión.
Para algúns, para moitos, Galicia e mais Portugal vivimos unidas por unha millenta de razóns, pola lingua, pola historia, pola paisaxe, por esa cultura en moitos aspectos común e que se traduce en estimar a gastronomía portuguesa coma se fose propia.
Por desgraza, para outros, demasiados, Galicia e Portugal vivimos de costas, separados pola parte menos edificante da historia común e por unha raia artificial que só existe nas cabezas dos que cren nela.

P1070819

Nesta ocasión tratábase de atar un par de cabos que nos quedaban soltos no Douro; São Pedro das Águias, Marialva, o interior de Balsemão… As gravuras rupestres de Foz Côa.
Foz Côa ten todo. Arquitectura moderna, paisaxes espectaculares, un museo fermoso e moi didáctico, un pouco de camiñada, algo de aventura en todoterreo, en fin, as gravuras, que aquí chamariamos petroglifos, declaradas pola UNESCO Patrimonio da Humanidade.
O complexo de arte rupestre prehistórico do vale do Côa destaca tanto pola cantidade de gravados identificados, como pola súa antiguidade desde os 20.000-10.000 anos AC e por haber mostras dos diferentes períodos prehistóricos a partir do Paleolítico Superior e tamén de distintos momentos da historia moderna.

P10707202

Andando por aquelas estradas do Douro un pouco ao leilán, o segundo día, e sen nada previsto, a fame pillounos en Tabuaço cando andabamos á procura de São Pedro das Águias.
Sen ningún tipo de referencias, paramos ás portas da vila, no primeiro local que atopamos: o restaurante dun hotel de poucas estrelas e, así por fóra, aínda menos pretensións. Pero son case as tres e o vermiño do bandullo esixe atención con voz acuciante.

85 Hotel DouroIn Tabuaco 87 Hotel DouroIn Tabuaco

Primeira sorpresa, o local. Moderno, luminoso, cálido, moi coidado, impecable, con mínimos pero perfectos e efectivos detalles decorativos.
Carta moi ampla con especialidades rexionais e, en xeral, da cociña portuguesa.

90 Hotel DouroIn Tabuaco             92 Hotel DouroIn Tabuaco

Carmen vaise por un Bacalhau à braz e eu polo inevitable Arroz de pato. Antes, coa manteiga e o pan, tráennos un xeneroso prato de presunto, salpicão e olivas.
O viño branco da casa é o único punto cuestionable da comida; ao final temos que disimulalo con moita gasosa.
O resto unha auténtica bacanal. As racións cen por cen portuguesas, con unha das dúas tería sido suficiente para os dous. E as preparacións simplemente fantásticas.

94 Hotel DouroIn Tabuaco

De sobremesa dúas copas de xelado. Total, co meu café, pagamos cerca dos 18€. Si, escoitastes ben 18 euros, 20 cunha propina neste caso máis que merecida.
O hotel chámase Douroinn e está en Tabuaço, na avenida do Marechal Carmona s/n.

Hotel Douroinn Restaurante
Avenida Marechal Carmona, S/N
5120-372 Tabuaço - Portugal
Telf: (+351) 254 782 392
Web
Email: reservations@hoteldouroinn.com
GPS: 41º7'0'' N (41.116763), 7º34'9'' W (-7.569237)
Localización e Maps de Google.

un templo do azeite tramontano

P1070486P1070500

O restaurante Flor de Sal está en Mirandela, en zona de transición entre o Douro e Tras-os-Montes, rexión de especiais cualidades para o cultivo das oliveiras.

P1070482
P1070485 P1070488

Estamos ante un local especial nun espazo privilexiado, no parque Dr. José Gama, a carón do río Tua que aquí vai cheo e fermoso coma poucos.
Decoración sobria e moi agradable, con escasas pero notables concesións á contorna. Tres espazos diferenciados, o comedor, minimalista, unha zona de estar con aires de bar de copas, e a terraza, colgada literalmente sobre o río.

P1070869 P1070422

Carta ampla con constantes retrincos á zona. Menú de degustación e Menú de mercado; este último consta dun entrante (hoxe Sapateira recheada sobre torrada de azeite, 3,20€), unha pasta (Tagliatelle de salmao, 7,80€), un peixe (Bacalhau assado no forno, 8,60€), unha carne (Empadao de carne, 8,20€) e unha sobremesa (Bolo de chocolate, 2,20€). En base a esta oferta e prezos cada quen concreta o seu propio menú.

P1070415 P1070416 P1070430

Optamos por un atípico menú de degustación (35€ persoa), acompañado dun suplemento de viños ‘sugestão do escanção’
A ‘viaxem pelo mundo dos aromas e sabores em Terras Trasmontanas’ comeza coa proba de dous tipos de olivas aliñadas e unha degustación de aceites; para os entretementos, así como as entradas, o viño é un espumante branco, Quinta do Ferro, de Baião, zona do Douro; cumpre sen maiores pretensións.

P1070434 P1070438

O saúdo do chef consiste en Tosta de salmão afumado con queijo Philadelphia; ben, sinxelo e previsible pero ben. O entrante do menú é unha Terrina de rabo de polvo das bruxas, crocante integral de sésamo e pesto de salsa; moi bo, o polbo perfecto, os acompañamentos xeniais. Quizá do mellor do menú.
Para os peixes o viño é un branco do Douro: Quinta de Mosteirô.

P1070447 P1070450 P1070454

Bacalhau confitado em aroma de trufa e azeitonas com migas tomatadas e creme de coentros. Bochechas de vitela, cuscos de miscaros selvagens e molho de queijo Terrincho. Mellor o bacallao; da carne, sensacionais os acompañamentos, pero sabedes que cada vez somos menos carnívoros e esta era realmente contundente; para acompañar, un tinto da rexión, de Mazedo de Cabaleiros, Porta Velha. No medio, e para refrescar, unha Espuma de vinho do Porto e limão de auténtico luxo.

P1070462 P1070456
Sobremesa

Pudim de azeite com tapenade doce e gelado do lagar. Sen dúbida o prato que máis se identifica co local; o pudin, marabillosamente empelagoso, esencia de doce portugués, e o xelado, co seu fío de aceite virxe, único e saborosísimo. Gran xogo de sabores e texturas. De acompañamento un Porto Ruby New Poort; normaliño.
En definitiva, unha gran comida -os viños o máis dubidoso pero axustados ao prezo- pola que pagamos cen euros dúas persoas.

P1070421

Algo ten que ter o Flor de Sal para manterse no lugar que ocupa na restauración do norte de Portugal contando con que Mirandela non é paso habitual para os portugueses e para nós, os galegos, agás os da raia, cáenos moi a desmán.
Nas miñas recompilacións de restaurantes portugueses e do seu tratamento polas guías (ver entrada), o Flor de Sal sempre ocupa un lugar de privilexio con presenza na maioría das guías (José Silva como destacado, recomendado pola Michelín, posto 84 da lista dos mellores da Mesa Marcada, Garfo de Ouro da Boa Cama Boa Mesa).

Restaurante Flor de Sal
João Paulo Carlão

Parque do Dr. José Gama
Mirandela (5370)
Tel: 278 203 063
Móbil: 912 583 982
Fax: 278 257 381
flordesal@hotmail.com
Web
GPS: 41° 29' 10.21"N     7° 11' 11.66"W
Localización en Mapas de Google
Guía Michelín: Si
Boa Cama Boa Mesa: Garfo de Ouro
Guía de José Silva: Recomendado
Mesa Marcada: Lugar 110 entre os restaurantes de Portugal

furancho ou café-bar?

Un alguén anónimo, agochado precisamente tras o anonimato, escribe con bastante mala uva un comentario sobre os furanchos.

 Lourancho 04

En esencia vén dar as grazas a este modesto blog por ter aportado datos tan abundantes e minuciosos sobre os furanchos da provincia de Pontevedra, ‘mesmo a localización co GPS’. O anónimo individuo di agradecer a chea de información que lle permitirá ir a todos estes locais ‘clandestinos’, de ‘competencia desleal’ e que ‘tanto mal fan ao turismo’ para abrir os correspondentes expedientes e sancionalos como corresponde.

Lourancho 02

Alguén que se agocha detrás do anonimato non merece nin media palabra, pero estes locais polos que sinto tanto aprezo, si se fixeron acreedores de que rompa unha lanza por eles.

Lourancho 06  Lourancho 07

En diversas ocasións teño tentado profundar sobre os furanchos e a lexislación que os regula (A voltas con furanchos e loureirosA voltas con furanchos e loureiros, continuación).
Así, creo non equivocarme se afirmo con rotundidade que todos os locais que aparecen neste blog como ‘furanchos’ ou ‘louranchos’ son, en realidade, e segundo a lexislación actual, ‘cafés’ ou ‘bares’.

  Lourancho 07b

Por certo, todas as fotos son do Lourancho de Manolo, como sabedes, un dos meus favoritos no Salnés. Imos en día de resaca, na tardiña posterior á festa de aniversario: pulpeira, churrasco nas braxas, tortillas, orquestra, licor café, baile… Comenta Maribel que foi un éxito rotundo; máis de catrocentas reservas máis todos os que alí se presentaron sen ter chamado de antemán. Disque había xente das catro provincias galegas e que a troula foise ata ver a luz do sol.

IMG_3139

No Lourancho de Manolo, en lugar ben visible, para quen lle interese, está exposto o certificado da Consellería de Cultura e Turismo, con todas as sinaturas e carimbos correspondentes, e que máis ou menos vén dicir algo así como: ‘Expediente: tal, tal, tal… Vista a solicitude formulada por Fulanita, na súa calidade de Titular, referente á inscrición da empresa/actividade de CAFÉ-BAR, denominada O LOURANCHO, situado no lugar … Considerando que na tramitación do expediente observáronse todos os requisitos e formalidades establecidas polo Decreto 82/1987 de 26 de narzo…
RESOLVE: Proceder á inscrición da referida empresa no Rexistro de Empresas e Actividades Turísticas dentro do apartado I do anexo I) do referido Decreto 82/1987 de 26 de marzo…

Ou sexa, e que quede claro, que se escribo a merenda no Lourancho de Manolo, ou o viño con zorza no Furancho de Juan, ou a tortilla en calquera dos loureiros que xa andan por estas páxinas, é que merendamos no Café-Bar ‘O Lourancho’ ou no Café-Bar ‘O furancho de Juan’, que tal categoría é a que todos teñen.
Manter o de ‘furancho’, ‘loureiro’ ou ‘lourancho’ son retrincos de cada quen para bautizar o seu local mantendo a esencia tradicional do que en realidade son; o de ‘Furancho’ é nome propio do local, non a súa categoría. Todos cumpren os requisitos da lei, pagan os seus impostos e manteñen unha oferta dificilmente igualable por locais, digamos, máis clásicos (ou sexa, encorsetados, que non tradicionais). Quizá aí está o problema e o motivo das queixas fóra de ton.
E se substitúen o cartel de neón polo loureiro é que non precisan doutra publicidade.

Xusto un ano despois volvemos ao lugar do delicto xunto con Pepe e Merce.

P1070366

A Parada das Bestas, Pidre, Palas de Rei, Lugo, segue a ser un lugar altamente recomendable, tanto para comer como para botar unha semaniña de desintoxicación en plena natureza, no corazón das terras de Ulloa.
É deses lugares que che compensan dos trescentos e pico de quilómetros que tes que meter entre costas e peito para poder chegar ata alí desde Vigo (e volver, claro).

P1070281 P1070284 P1070286

Somos catro e non andamos con chiquitas; catro entrantes para compartir, catro pratos fortes e catro sobremesas; auga, unha cervexa e unha botella de Casa Moreiras 2011, Mencía da Ribeira Sacra. Con cafés (de pota) e chupitos pagamos pouco máis dos cento trinta euros. Trinta e tres euros por cabeza para unha gran comida antóllaseme un motivo máis que anima á excursión.

P1070295 P1070302

Os entrantes consistiron en: un mexillón en vinagreta sobre pan de sésamo (delicadeza da casa); Cecina de boi (cunha pinga de aceite virxe, fantástica), Croquetas variadas (lacón, espinacas…), Saquiños de cabaciña, e Follado de verduriñas ao queixo de Ulloa.

P1070308 P1070311
P1070313 P1070317

Os pratos: Solombo de vaca galega (con mollo de queixo), Rabo de vaca estufado, Paletiña de año asada, e Codillo de porco asado.

P1070325 P1070330 P1070324

O momento do doce mantivo o alto nivel do resto da comida: Xelado de noces (un sabor que me transportou á infancia: xelado de nata con noces cantonesas); Pudding con xelado de crema e froitos vermellos e Flan de café.
Todas as impresións escritas na primeira visita (A Parada das Bestas), confirmadas e mesmo aumentadas en valor.

Castelo Pambre eu borrando ceoP1070349

E, por suposto, e como dixestión, non perderse un paseo polas espectaculares paisaxes destas deliciosas terras de Ulloa.