o miolo

portugal

Desde a maioridade deste meu blog e da súa presentación en público (Cincuenta), teño recibido algún que outro correo de ánimo.
Hórreos en SoajoIgrexa de BravaesCasa do Cinema de Manoel de Oliveira
Moitos deles coinciden en aplaudir a aportación que supón para os blogs de gastronomía de Galicia a inclusión do norte de Portugal.
Non vou enganarvos, para min non se trata de ningún esforzo baixar a comer a Portugal, ao contrario, creo ter sido o suficientemente transparente como para deixar traslucir a paixón que sinto por estas terras das que non quero entrar a falar se o Miño nos une ou separa.
Graffitis e Carteis na Rua Bombarda Geres no OutonoTranvía no ChiadoMiguel Torga
Para ilustrar esta entrada procuro, nas imaxes de Google, o termo ‘Portugal’. Devólveme, creo, que infinitos resultados. Nas primeiras páxinas todo son mapas, bandeiras e fútbol. Un pouco máis alá xa case todo se reduce ao fútbol tinguido dunhas cores que cheiran demasiado a liñas e bandeiras. Do Portugal ‘do que gosto’, non que non entran nin raias que limiten nin bandeiras que enaltezan, o Portugal de corazón e cabeza máis que de pernas e testículos, practicamente nada.
Así pois, boto man do meu album e saco á luz algunhas das imaxes do Portugal do que máis gosto.
Cereixas de ResendeFigos do Vale do DouroLaranjas do Tua
Os hórreos comunitarios de Soajo, a Igreja de Bravaes, a Casa do Cinema ideada por Souto de Moura para Manoel de Oliveira, Graffiti na rúa Bombarda de Porto, outono no Geres, tranvía no Chiado, Miguel Torga, cereixas de Resende, figos do Douro, laranxas do Tua.

grande hotel de porto

Que turista en Porto non correu polas súas rúas detrás dos tópicos neoclásicos, da Art Decô, da Art Nouveau
A Livraria Lello, o mercado do Bolhão, a Casa Rosa de Serralves, o salón árabe do Palácio da Bolsa…
Quen non sufriu algunha vez a decepción de non atopar mesa para saborear un auténtico café no Majestic?
Café MajesticLibreria LelloCasa Rosa de Serralves
O domingo fixemos un novo descubrimento no Porto, fóra dos apertóns para atopar mesa, fóra dos circuítos multitudinarios, fóra de ollos riscados detras de cámaras dixitais compactas.
O restaurante do Grande Hotel do Porto.
O Grande Hotel está na rúa Santa Catarina, foi inaugurado no ano 1880 e, xunto co Avenida Palace de Lisboa, son os os dous únicos locais que sobreviven na guía Michelín despois de cen anos (os dous como hoteis).
A profunda e acertada remodelación de 2002 deixounos un hotel con todo o charme dos locais de finais do século XIX (espellos franceses, columnas, estucos, mármores, lámpadas de lágrima, alfombras…), recuperando os acabados e comodidades do século XXI.
Grande Hotel PortoGrande Hotel de PortoGrande Hotel de Porto
O restaurante é, simplemente, fantástico. Cando sentas e escoitas ao camareiro cres ter regresado ao século XIX e ser un daqueles adustos cabaleiros que colgan das paredes. Imaxinade o Majestic multiplicado en espazo, en acabados i en conservación. Non falta un detalle, os grandes espellos, as arañas do teito, o piano, os estucos con motivos florais , os floreiros de louza portuguesa, os tapizados granate…
Restaurante Grande Hotel PortoRestaurante Grande Hotel PortoRestaurante Grande Hotel Porto
A comida é tipo buffet e consiste en Ensaladas variadas, Salgados típicos (pataniscas, rissóis, croquetes…), Espelho variado de fríos (algún embutido), Sopa de Legumes, Feijoada de Mariscos, Postinha de vitela á mirandesa, Buffet de Sobremesas (froitas laminadas, bolo de chocolate, tarta de galleta, tarta de queixo, tarta de améndoa, etc., etc., etc. Fieis á súa tradición de doces, as sobremesas son numerosas).
Restaurante Grande Hotel Porto Restaurante Grande Hotel Porto
A comida está normal, con pratos mellores e peores, pero coa variedade que presenta, e por 15 euros comensal (domingos e festivos), ou 13 (resto da semana), e con ensaladas, a feijoada (como un arroz de marisco pero fabes no lugar de arroz) e barra completamente libre cos doces, o máis esixente pode saír satisfeito.
Ao almoço (comida do mediodía, non confundir co equivalente galego ou co pequeno almoço ou ‘desayuno’), serven todos os días o buffet, mentres que pola noite, os jantares (a nosa cea), son á carta cun menú tradicional portugués con guiños internacionais e un puntiño de innovación. Prezo á carta algo máis elevado.
Palacio do Freixo 01Palacio do Freixo Xardíns 04
Por certo, e falando de hoteis e de Porto, pola tarde fixemos unha fugaz visita á nova Pousada da Invicta, no Palácio do Freixo.
Facédeme caso, se queredes dedicarvos unha homenaxe, non dubidedes.
Restaurante Grande Hotel do Porto
Rúa de Santa Catarina 197
Porto 400-450
Telf: 222076690
Fax: 22 2076699
Web
E-Electrónico
XPS: 41º08'51"N 8º26'33"W
Localización en Google-Maps

restaurante grill costa do vez

O Grill Costa do Vez (Hotel Costa do Vez, Arcos de Valdevez), é todo un clásico dentro da cociña minhota. Asoma no meu cadro de honra de restaurantes do norte de Portugal (Restaurantes) con presenza en tres das guías gastronómicas: Guía de restaurantes de José Silva (mencionado), Revista Wine (2,4 sobre 5) e Guía Michelín (Big Gourmand). Penso que se trata dun dos locais do norte de Portugal con maior tradición na guía Michelín, que ademais, recomenda, o hotel como Bib Hotel.
Restaurante Costa do Vez 1Restaurante Costa do Vez 2Restaurante Costa do Vez 5
Conta cun amplo aparcamento que comparte co hotel.
Sala de tamaño medio con decoración rexional moi equilibrada, sen excesos, combinando á perfección pedra, madeira e azulexos cun resultado, dentro do seu estilo rústico, do mellor que coñezo. O seu éxito radica no tipismo sen caer na sobrecarga dos espazos. 
A carta é ampla cunha completa oferta de pratos rexionais minhotos nos que non faltan os de temporada e unha atención especial aos produtos preparados na grelha, peixes diarios chegados de Matosinhos e algunha que outra carne. Ten sona na rexión o cozido á portuguesa (unicamente os domingos e martes; confirmar antes de lanzarse á aventura). Doces tradicionais caseiros. Aceptable selección de viños con atención moi especial aos verdes.
Restaurante Costa do Vez 9pataniscas-bacalhaucharutos
Entrantes típicos e case tópicos, pan, manteiga salgada, queixiño, boliños, pataniscas de bacallao. Somos tres e nos decantamos por unha posta de vitela con cogumelos e prebe de mostaza e un bacallao Costa do Vez (moi tradicional: frito, con abundante cebola e patacas, olivas e ao forno). Suficientes dúas racións para tres adultos (de non moito comer) e probar todos un pouco de todo. Os dous resultaron fantásticos (que xamais se vos ocorra dicir ‘exquisitos’ en Portugal), en especial a carne, no seu punto perfecto e o toque rompedor da mostaza. De sobremesa, un sorbete de limón (prefabricado), un abade de Priscos e os tradicionais charutos dos Arcos (algo semellante ás cañas pero preparado a base de masa de azucre, améndoas e ovos, non leva recheo; ou sexa, nada que ver coas cañas e si moito en común con todos os doces portugueses a base de azucar e ovos).
Mollamos cun alvarinho embotellado especial para o Costa do Vez, sen alardes pero moi apropiado; algún refresco e dous cafés.
Total, faltaron uns céntimos, pero non chegamos aos corenta euros, o que fai que a conta revalorice aínda máis a comida.
Longos Vales 11Longos Vales 07_2Longos Vales en Outono 03
Despois de moito esperar, por fin sei de onde lle vén a sona e as referencias nas guías ao Restaurante Grill Costa do Vez. Paga, absolutamente, a pena.
Paga ben unha excursionciña para coñecelo. Desde Galicia, sempre por Monção, ben pola estrada directa (parada obrigada á saída para ver o Palacio da Brejoeira, mapa), ou ben pola variante que sae un pouco máis adiante e nos leva por Longos Vales (espectacular paisaxe de viñedos, mapa) e logo, desde o mesmo nacemento, por todo o val do río Vez. Recomendable esta segunda pero tamén leva bastante máis tempo.
Restaurante Grill Costa do Vez
Quinta de Silvares
Estrada de Monção - Salvador
Arcos de Val de Vez (4970-483)
Teléfono: (351) 258 516 122
Fax: (351) 258 521 157
Web: www.costadovez.pt
E-e: costadovez@sapo.pt
XPS: 41º51’14’’N  8º25’22’’W
Localización en Maps de Google
Michelín: Big Gourmand
José Silva: Mencionado
Wine: 2,4/5

gastronomía e arquitectura

Agosto é un mes negro para o turista gastronómico.
Este ano as vacacións de Alfonso coincidiron entre o 10 e o 20 de agosto.
Alfonso é o meu irmán maior. Arquitecto, residente en Gainesville (Florida), profesor de proxectos na universidade... Fóra estes detalles sen importancia, compartimos moitas afeccións, en especial o gusto polo bo comer e o mellor beber.
Alfonso regresa todos os anos a Vigo, unhas veces polo Nadal e outras en verán. Nos poucos días que temos hei de poñelo ao día do que se coce por aquí en gastronomía e arquitectura.
Ponte Pedro e Ines Coimbra 5No tocante á gastronomía, resultou unha desfeita. Algunhas pistas para que non  caiades nos mesmos erros que nós.
Compostela invadida; probamos un par de sitios de tapas, deses que están de moda, e non acabaron de convencernos. Ateigados de xente, demoras, pratos moi salgados, oferta limitada, demasiadas concesións ao turista ávido de tópicos…
Para seguir: o restaurante As Arcadas (Hotel Quinta das Lágrimas, Coimbra) só traballa na noite; ao mediodía funciona o outro restaurante do hotel, o Aqua, italiano, conducido polo mesmo chef… pero sen saír do guión clásico das masas e pastas. Moi caro para tratarse dun segundo prato.
Pasarela Universidade Aveiro 2 Os de sona en Ponferrada aos que tiñamos o ollo botado (Menta y Canela, Sofra) pechados. Houbemos de conformarnos co trámite dun prato do día recomendado polos empregados dun banco que daquelas horas saían de traballar. Mágoa. Coñeciamos dunha escapada anterior ás Médulas o Menta y Canela e ben vale a malleira do desprazamento. O restaurante S João, do hotel Forte de São João, Vila do Conde, ao mediodía serve, unicamente, menú do día.
E así, cada día.
Xa non tentamos máis ao diabo.
Pola contra, moitas e agradables novidades (ou menos novidades) arquitectónicas.
Aí van algunhas.
Centro de Novas Tecnoloxias de Galicia 2Santiago-Conxo Centro Social A Trisca 2Santiago-A Trisca Museo Maritimo Ilhavo 13 Íhavo-Aveiro Casa da Cultura Aveiro 2Aveiro
Centro Novas Tecnoloxías Centro Social Museo Marítimo Casa da Cultura
Francisco Mangado John Hejduk Nuno e José Mateus  Fernando Távora

Departamentos de pescadores no porto de Cangas 13 Cangas Centro de saude de Domaio 2Domaio-Moaña BPI en Vila do Conde 9Vila do Conde Centro Interpretacion citania Viana 1020537Sta Luzia-Viana
Departamentos Pescadores Centro de Saúde Oficina Banco Cent. Interpretación Citania
Irisarri e Piñera Irisarri e Piñera Siza Vieira Paula Santos

Biblioteca Universidade Aveiro 5 Universidade-Aveiro Universidade Aveiro Geociencias 3 Universidade-Aveiro Piscina Universitaria Ourense 1 Ourense Parroquia del Buen Pastor Ponferrada 26 Ponferrada
Biblioteca Facultade Geociencias Piscina Universitaria Igrexa Buen Pastor
Siza Vieira Souto de Moura Francisco Mangado Vicens e Ramos

o silabario en tui

O primeiro que chama a atención do restaurante Silabario é a súa ubicación nunha, case, travesía de entrada a Tui, localidade que, agás o histórico Cabalo Furado e as estratosféricas angulas, non gozou de demasiada sona gastronómica.
Restaurante Silabario Tui 2O segundo, o feito de tratarse do restaurante do Hotel Colón, moda esta cada vez máis estendida e con antepasados tan ilustres en Galicia como Rotilio.
Terceiro: a impresión un tanto desleixada do contorno, esfúmase como por arte de maxia cando entras no local. Accedes a el através dun corredor algo escuro, adega á dereita, parede decorada á esquerda, explosión de luz ao fondo procedente da cociña, pechada (quizá mellor aberta) a base de cristaleiras.
Restaurante Silabario Tui 3Restaurante Silabario Tui 4Restaurante Silabario Tui 7Restaurante Silabario Tui 5
A sala non é demasiado ampla, seis ou sete mesas, pero, entre o enorme ventanal dun lado e o gran espello no contrario, dan unha agradable sensación de amplitude e luminosidade. Decoración mínima, equilibrada, xusta, relaxante, con algún que outro retrinco ás sinaturas internacionais do deseño intemporal (lámpadas Tolomeo, sillas Eames).
Restaurante Silabario Tui 10Restaurante Silabario Tui 13Restaurante Silabario Tui 40
Servizo serio, profesional, atento, sen concesións innecesarias. De cando en vez asoma polas mesas Alberto González en persoa para dar o contrapeso cunha actitude moito máis informal, próxima, atreveríame a dicir que alegre, divertida. Tanto lle ten servir un prato como explicar que preparou os mexillóns con tomiño-limón, variedade de tomiño que ten no seu herbolario particular e caracterizado por un agradable oloriño de mestura propia con limón.


Comezando en todo caso por unha degustación de aceites e sales e polos aperitivos do día, e pechando cos petits Fours temos o menú de degustación (5 pratos e 2 sobremesas, 42€), o menú de verán (3 pratos e 1 sobremesa, 29€), e o menú á carta, con oferta ampla e variada de cociña galega moderna e moi fresca.
Produtos de primeira tratados con moito agarimo e fundamento.









Adega suficiente con atención especial aos nomes galegos aínda que con pequenas eivas. Pedimos un ribeiro de Arnoia: un Viña de Martín, Escolma. Ben pero non cumpriu nin coas espectativas creadas pola recomendación nin co prezo. Resultou bastante pechado e, para min, non para os demais, cun leve fondiño ao corcho.






Ao contrario que nos aceites, si nos sorprende a proba de sales. A  verdade ningún dos catro temos moi claro o xeito de catar a sal. Se diluída nun dos aceites…, se así sen nada, a pelo…, se sobre as tostas de pan, por certo, unhas delas, pois son de varias feituras, cun acusado toque afumado que pode resultar suficiente i enmascara os aceites.





Os aperitivos do día consisten nun mexillón ao tomiño-limón con escuma de apio, moi rico, mesmo para min que non son de mexillóns de batea, e unha sopa de tomate con parmesán e abelás, fantástica, agora que está tan de moda imitar os gazpachos e , esta resultou moi suave pero saborosa, moi boa.






Tataki de bonito do norte, con allobranco e froitos secos. Sen dúbida, para min, o prato do día. Nuns tempos nos que o xaponés e o bonito cru están tan ao día, agradécese o aire como de escabeche clásico que suma sabor e textura. Un deses extraños bocados con capacidade para sorprender e permanecer na memoria.




Bacallao na grella coa súa brandada cremosa e pementos de padrón. No caso de Merce, por incompatibilidade co bacallao, Sardiña ao grill con tosta de pan de millo, tomate rama confeitado e albahaca. Desde a cualidade do bacallao á confeitura de tomate, todo impecable.








Paletilla de cordeiro de leite asada moi a modo con chícharos tenros e mostaza de uva. Ocórreme sempre; chego a estas alturas un tanto saturado e cústame centrarme. É problema meu; non son de moito comer e estes son os momentos nos que ás veces renego dos menús. En todo caso moi ben pero ración algo excesiva no contexto do menú.
 A sobremesa principal consiste nunha crema de leite e arroz, caramelizada, con sorbete de limón e zume de laranxa. Foi o contrapeso necesario para arrefriar os estómago (que non os ánimos), alixeirar a comida e abrir espazo aos petits frous que nos traen co café: unha tella, unha trufa de chocolate e unha copa doce. Completamos a bacanal dos doces con dúas copiñas de viño de Porto Seara, un Vintage de 2004 e un Special reserva. Son estes pequenos detalles os que están a facer de min un lambón como xamais soñara de min mesmo.

Restaurante Silabario Tui 33Restaurante Silabario Tui 36Restaurante Silabario Tui 41
Gustoume o Silabario, moito, tanto como para repetir cando cambie ao menú de outono (xa coñecedes o meu criterio de valoración: volver necesariamente, volver en caso de necesidade, non volver nin en caso necesario).
De ter que apoiar cunha opinión global e cun toque de humor, ocórreseme que xa poden andar con ollo os ‘vellos nove’, que traen detrás a toda unha restra de novos cociñeiros que entran empurrando máis que forte. En casos como este faime un pouco de graza cando dun cociñeiro que preparou esta comida de hoxe, dise que ten un futuro moi prometedor.
Todo o que vos conto de Silabario non é futuro, é presente, e moi presente!
Restaurante Silabario

Alberto González Preicic

r/ Colón 11 Tui  (36700)

Teléfono: 986 607 000

Fax: 986 600 327

Web: www.restaurantesilabario.com

E-e: info@silabario.com

XPS: 42º02’58’’N  8º38’50’’W

Localización en Maps de Google

Michelín: Recomendado

Verema: 8,1 (1)