viana do castelo, meca arquitectónica no minho

Hai uns meses, quizá xa máis dun ano, a prestixiosa revista británica de arquitectura e deseño Wallpaper adicaba un especial á arquitectura contemporánea en Viana.
’Meca da arquitectura’ era o ‘galardón’ que lle outorgaba.

O que chamou a atención da revista foi a Praça da Liberdade, proxectada por Távora e completada coa biblioteca de Siza e (en construción) o multiusos do flamante Pritzker Souto de Moura. Ademais, no momento do destaque, a revista salientaba e analizaba a fondo o rompedor deseño do hotel Axis.

Souto de Moura   Siza Vieira

A realidade é que poucas cidades do mundo (e non digamos entre as que poderían competir con Viana en tamaño) poden presumir dun único espazo urbano con tres obras asinadas polos tres mellores arquitectos da historia de Portugal, os tres con nome propio na arquitectura mundial, dous deles acreedores do Pritzker.

    
Távora                                                                     Siza                                                                 Souto

As imaxes de Távora e Souto son dun magnífico blog sobre Viana: Ollar Viana
Pero non só os máis grandes están en Viana, reunidos na Praça da Liberdade. Ultimamente temos fotografado outras moitas obras novas de calidade. Aí van algunhas:

   
Paula Santos                                                VHM Arquitectos                                                      Carrillo de Graça

Imaxes do centro de interpretación da Citânia de Santa Luzia, de Paula Santos (tamén ten un pequeno edificio de vivendas e locais comerciais na rúa João Alves Cerqueira), do Hotel Axis, de VHM I Departamento de Arquitectura, obra coordinada por Jorge Sodré Albuquerque, e a Pousada da Juventude, de Carrillo de Graça.
Pero, ademais, o auditório Lima de Carvalho tamén é de Fernando  Távora, a Biblioteca da Escola Superior de Tecnologia e Gestão, de Bernardo Távora, a rehabilitación da fantástica Praça da República, de Viana de Lima (outro día haberermos de falar do casco antigo de Viana e de todos os seus edificios clásicos, desde o gótico ao barroco portugués), ou o hospital comarcal, de Chorão Ramalho.