que veinte años no es nada…

  Por: Pepe Fernández

Na nosa familia hai moito “alacrán” e por iso estes días andamos de celebración en celebración, é dicir, de chea en chea. Desta volta tocoulle a vintena do primoxénito (tranquilo Anxo, que “veinte años no es nada” como di o tango de Gardel) e decidimos achegarnos ata Moaña para xantar no restaurante Prado Viejo. Trátase dun hotel-restaurante moderno que na súa publicidade ofrece “una cocina ecológica regional elaborada con productos de su propia huerta, así como postres caseros”.

O comedor resulta moi acolledor, tranquilo, con poucas mesas, decoración minimalista e con gusto; boa luz grazas ao branco das paredes e a dous amplos ventanais. Recíbenos Tino, o propietario, un “gran” home, de trato excelente e con ganas de agradar. Antes de entregarnos a carta xa nos pide desculpas por non dispor de moito produto, xa que el mesmo se encarga de comprar no mercado e non contaba con moita xente nestas datas. É certo, a carta non é moi ampla. Segundo el nos explica teñen tres ou catro pratos fixos, que hai tempo que lle veñen funcionando ben e logo complementan con produtos do mercado de tempada.

    

Pedimos dúas entradas para compartir, unhas zamburiñas á prancha que estaban deliciosas, no seu punto; e un salteado de cantarelus con xema de ovo que se deixaron comer ben.

   

Logo pedimos cadanseu prato, dúas de cabrito ao forno, un solomillo con prebe de pementa branca e un bonito á prancha. Como se ve pratos tradicionais, ben elaborados e con bo produto. Tino presume dos produtos da súa horta, traballada polo seu pai; a min quedoume pena non probar os chícharos con ovo da casa que tiñan unha pinta excelente.

   

As sobremesas foron quizais o mellor, tomamos unha escuma de iogur, dous doces de chocolate, unhas filloas recheas con sorbete de framboesa e de agasallo tróuxonos unhas “cañitas” recheas. Todos e todas probamos de todo, teño serias dificultades para decantarme por algún deles, estaban todos bos. Na liña do resto dos pratos, elaboración coidada pero sinxela ou sinxela pero coidada, e con resultado final agradable.

Acompañamos a comida cun Somontano, “La miranda de Secastilla” do 2009, saboroso, grato, sedoso, aínda que creo que debería ser decantado xa que gañou despois dun tempo aberto.

Co resto das bebidas e cafés pagamos arredor dos 35 € por barba, prezo que considero correcto, xa que foi unha comida correcta nun ambiente agradable.

Prado Viejo
Ramon Cabanillas, 16,
36950 Moaña
Tfno.: 986 31 16
Web
E-Electrónico
Localización en Mapas de Google
Os 100 de c,le: Posto 24 de toda Galicia
Guía Michelín: Bib Gourmand
TripAdvisor: 6º lugar

Os 100 restaurantes galegos de c,le (II)

A estas alturas xa sobran os preámbulos.
Seguindo o camiño marcado polo cadro de honra en Os 100 mellores restaurantes galegos de Como, logo exito, hoxe, segunda entrega, estamos ante a quenda dos restaurantes situados nos lugares 30 a 60.
Coas matizacións realizadas en Os mellores restaurantes de Galicia. Fontes, en Os mellores restaurantes de Galicia. Metodoloxía, e Os mellores restaurante de Galicia. Resultados, aí vai a segunda entrega do listado dos 100 mellores restaurantes galegos segundo Como, logo existo, e nesta especial pretensión (discutible e discutida) de fusionar as guías profesionais cos usuarios de á pé.

Os 100 mellores restaurantes galegos de Como, logo existo

28	18 p	El Mercadito	Santiago	Recomendado	SI	61
28	18 p	Casa Manolo	Carnota		BGourmand	14
30	17 p	Coral	A Coruña	Recomendado	SI	93
30	17 p	Ribadomar	Cambados	SI	BGourmand	103
30	17 p	O Fragón	Fisterra		SI	2
33	16 p	Soriano	Vigo	Recomendado	SI	196
33	16 p	Muíño do Vento	Ferrol	SI	SI	79
35	15 p	Playa Club	A Coruña		SI		8.0
35	15 p	A Rexidora	Barbadás	1 Sol	SI
35	15 p	Mesón de Alberto	Lugo	Recomendado	SI	253
35	15 p	Esteban	Mos		SI		8.0
35	15 p	El Refugio	Oleiros	1 Sol	SI
35	15 p	La Taberna de Rotilio	Sanxenxo	Recomendado	SI	207
35	15 p	Casa Bóveda	Vilagarcía	1 Sol	SI
35	15 p	El Crisol	O Grove	Recomendado		39
35	15 p	Mirador de San Pedro	A Coruña		SI		8.0
35	15 p	Abastos2.0	Santiago		SI	20
45	14 p	La Casa de las 5 puertas	Pontevedra	SI	SI	158
45	14 p	Casa Rosita	Cambados	SI		25
45	14 p	Pedro Roca	Santiago		SI	30
48	13.5p	Tira do cordel	Fisterra			127	7.5
49	13 p	La Palloza	Lugo	SI	BGourmand
49	13 p	Verruga	Lugo	SI		37
49	13 p	Comei-Bebei	Oleiros	SI	BGourmand
49	13 p	La Villa	Ribadeo	SI	BGourmand
49	13 p	Ana	Santiago	1 Sol		294
49	13 p	Boa Vista	Viveiro	SI	BGourmand
49	13 p	Mar de Esteiro	Santiago		BGourmand	99
56	12.5p	Pandemonium	Cambados		SI		5.5
57	12 p	Nixon	A Estrada	Recomendado	SI
57	12 p	Bitadorna	A Guarda	Recomendado	SI
57	12 p	O Parrulo	Ferrol	Recomendado	SI
57	12 p	O Centolo	Fisterra		SI	52
57	12 p	Chef Rivera	Padrón	Recomendado	SI
57	12 p	Casa Ramallo	Padrón	Recomendado	SI
57	12 p	O Roupeiro	Pereiro de Aguiar	Recomendado	SI
57	12 p	Alameda 10	Pontevedra	Recomendado	SI
57	12 p	Eirado da Leña	Pontevedra	Recomendado		91
66	11 p	Adega do Emilio	Ourense	SI		69
66	11 p	Bierzo Enxebre	Santiago		BGourmand	214
66	11 p	Roberto	Vedra	Recomendado		117
66	11 p	El Mosquito	Vigo	SI		78

Claves:
1ª Columna: Lugar no listado
2ª Columna: Restaurante
3ª Columna: Concello
4ª Columna: Valoración Guía Repsol (1,2 Soles, Recomendado, Mencionado)
5ª Columna: Valoración Guía Michelín (1 Estrela, BGourmand, Agradable, Mencionado)
6ª Columna: TripAdvisor (posto que ocupa en Galicia)
7ª Columna: Verema (Puntuación media sobre 10)
Os criterios para entrar na lista e para obter a puntuación están nas entradas anteriores:
Os mellores restaurantes de Galicia. Fontes. Por que estas guías.
Os mellores restaurantes de Galicia. Metodoloxía. Como se obtén a puntuación.

amigos da cociña galega

Recupero aquel ‘A cociña e a bodega, mellor galegas’, bandeira que foi, noutrora, dos Amigos da cociña galega.

Dalgún xeito habemos de recuperalos todos e colocalos no lugar que realmente merecen dentro da historia da restauración pública galega (e, por que non?, tamén da privada; non esquezamos todas aquelas receitas que algúns tantas veces usamos como inspiración de cabeceira; as primeiras ‘ensaladas’ máis alá da simple ensalada, os que daquela aínda eran ‘fideos con ameixas’, ou as fabas, os guisiños mariñeiros, os bocados máis galegos de carne, o xarrete, as carrilleiras, o chuletón de Lugo…).

Vén isto a conto de que cae nas miñas mans a publicación de 2012 dos Amigos. Utilizan, para a portada, un fragmento de ‘Comida de boda en Bergantiños’, de Álvarez de Sotomayor (1917, colección privada da familia Borrell). Dentro, a actualización de socios: algúns, clásicos (Alberto ou La Barra, de Lugo), e outros máis ou menos novos na familia (Galileo ou Durán), e, coma sempre, unha selección de receitas, unha por cada un dos restaurantes socios (poñamos por caso o Sanmartiño ao Forno da Taberna del Náutico de Sanxenxo ou a Pescada ao albariño do Mesón Gallego de san Xoan de Porto Rico).

 

D’Berto, en O Grove, é membro de pleno dereito dos Amigos da cociña galega.
Nalgún momento da comida tiven a difusa sensación de estar no final dos oitenta, en Casa Vilas, con aquel concepto, con aquela filosofía trasladada ao mínimo detalle, con aquel clásico que foi e segue a ser a pescada con grelos.
Se existe o tópico da cociña baseada no produto, se segue vivo nun mundo tan amplo, tan diversificado como o da gastronomía deste principio de século, é en Berto. A publicidade tira a dar; e acerta de pleno: ‘Especialidade en Peixes e Mariscos de Gran Tamaño’.

O local é de tamaño medio, con dous espazos diferentes. Decoración comedida, xusta, clásica sen excesos, moi agradable. Servizo correcto con especial atención para Berto coa súa dedicación ás relacións públicas, a destacar o mellor do día sen reservarse o prezo, ollo avizor a que todo estea perfecto, preocupado porque cada cliente sexa único e estea a gusto na súa casa.

    

Estamos a venres ao mediodía, en medio da ponte de Santos, e, sen reserva, tivemos bastante sorte cando conseguimos que nos atopasen acomodo.
Carta ampla e sen sorpresas. Marisco, peixe e algunha que outra carne. Produto. Produto. E produto.

 
      

Un preparado de legumes e produtos do mar en vinagre (oferta da casa); para os amigos do vinagre, coma min, simplemente sensacional.
A empanada do día resulta ser, tamén, dun riquísimo variado de froitos do mar; a masa, incriblemente fina, delicada, crocante; o compango, sen comparación.
Ameixas á tixola. Un aire de sartén e un lixeiro prebe con alliño moi picado e perexil. Uf! Hai que estar na ría de Arousa para comer estas ameixas… Enormes, case vivas, carnosas, sabendo a mar.

    

Carmen vaise por un peixe sapo rebozado (acompañado de pataca cocida e unha presa de grelos) e eu tiro polo guiso de rodaballo.
Sen menosprezar o rodaballo, sorpréndeme moi gratamente o peixe sapo. Así como Carmen é moi amiga do pixín, eu son de sabores máis intensos. Creo que poucas veces (nunca?) probei un peixe sapo tan saboroso como este; o rebozado non só non resta senón que suma sabor á proposta principal. Único. Riquísimo.

Piña ao forno con xelado de nata. Xa quedaba pouco espazo e compartimos esta sobremesa melosa, refrescante, equilibrio perfecto de contrastes, de acidez e dozura, de frío e quente, de textura fibrosa e cremosa.

Non imos enganarnos. Comer en D’Berto é un luxo, reservado para un día especial. Coa botella de viño pequena e un café, andamos polos 55 € cada un. E iso que xa vedes, sen excesos, sen eses camaróns do tamaño de lagostinos que vemos pasar, sen as cigalas iguais ao meu antebrazo, sen Pingus…
Estamos ante a eterna discusión. Son moitos cartos, en especial para os tempos que corren. Pero, acaso a comida non o vale? Que recibimos a cambio deses 55 euros? Pois xa vedes: produto de máxima calidade reforzado con preparacións impecables que, aínda que pareza mentira, logran mellorar o inmellorable.
’Cociña e Bodega, galegas’.

Restaurante D’Berto
Avenida Teniente Domínguez, 84
36980. O Grove
Tlfno: 986 733 447
Web
Enderezo-E
Localización en Mapas de Google
5º mellor restaurante galego de c,le
Repsol: 1 Sol
Michelín: Mencionado
TripAdvisor: Lugar 22 de Galicia, 2º en O Grove
Verema:  7.5 puntos

os 100 restaurantes galegos de c,le

Pois si, chegou o momento.
Coas matizacións realizadas en Os mellores restaurantes de Galicia. Fontes, en Os mellores restaurantes de Galicia. Metodoloxía, e Os mellores restaurante de Galicia. Resultados, aí vai o listado completo dos 100 mellores restaurantes galegos segundo Como, logo existo, e nesta especial unión de guías profesionais e usuarios de á pé.
Hoxe toca o Cadro de Honra, os 25 restaurantes mellor clasificados.

Os 100 mellores restaurantes galegos de Como, logo existo

1	44 p	Marcelo	Santiago	2Soles	1Estrela	8º	7,0
2	41.5	Yayo Daporta	Cambados	1Sol	1Estrela	11º	7.5
3	41 p	Casa Solla	Poio	2Soles	1Estrela	60º	8.0
4	34.5	Artabria	A Coruña	SI	Bgourmand	4º	7.5
5	33.5	D’Berto	O Grove	1Sol	SI	22º	7.5
5	33.5	Pepe Vieira	Poio	2Soles	1Estrela		7.5
5	33.5	Acio	Santiago	Recomendado	BGourmand	29º	7.5
8	29 p	Fogón Retiro da Costiña	Santa Comba	1Sol	1 Estrela	41º
9	28 p	A Mundiña	A Coruña	Recomendado	SI	71	8.0
9	28 p	Maruja Limón	Vigo	1Sol	1Estrela	80º
11	27 p	Culler de Pau	O Grove	1Sol	SI	3º
12	26 p	A Estación	Cambre	Recomendado	1Estrela	45º
12	26 p	Los Abetos	Nigrán	Recomendado		18º	7.0
14	24 p	Nito	Viveiro	1Sol	SI	21º
15	23 p	Alborada	A Coruña	Recomendado	1Estrela	150º
15	23 p	Adega O Bebedeiro	A Coruña		SI	34º	8.0
15	23 p	As Garzas	Malpica	Recomendado	1Estrela	120º
18	22 p	Galileo	Pereiro de Aguiar	2Soles	Agradable	142º
18	22 p	La Oca	Vigo	1Sol	BGourmand	110º
20	21 p	A casa dos Martínez	Padrón	SI	BGourmand	35º
21	20 p	Casa Pardo	A Coruña	1Sol	SI	86º
21	20 p	Paco Durán	Baiona	SI	BGourmand	57º
21	20 p	España	Lugo	Recomendado	SI	40º
24	19 p	Domus	A Coruña	Recomendado	SI	46º
24	19 p	La Penela	A Coruña	Recomendado		132º	6.0
24	19 p	Silabario	Tui	Recomendado	1Estrela
24	19 p	Prado Viejo	Moaña		BGourmand	6º

Claves:
1ª Columna: Lugar no listado
2ª Columna: Restaurante
3ª Columna: Concello
4ª Columna: Valoración Guía Repsol (1,2 Soles, Recomendado, Mencionado)
5ª Columna: Valoración Guía Michelín (1 Estrela, BGourmand, Agradable, Mencionado)
6ª Columna: TripAdvisor (posto que ocupa en Galicia)
7ª Columna: Verema (Puntuación media sobre 10)
Os criterios para entrar na lista e para obter a puntuación están nas entradas anteriores:
Os mellores restaurantes de Galicia. Fontes. Por que estas guías.
Os mellores restaurantes de Galicia. Metodoloxía. Como se obtén a puntuación.